செய்திகள்

இந்திய பிரதமரின் கவனத்திற்கு செல்லவுள்ள ஆனந்தசுதாகரனின் விடுதலை !

அரசியல் கைதி ஆனந்தசுதாகரனின் விடுதலை தொடர்பில் இந்திய தூதுவர் ஊடாக இந்திய பிரதமரின் கவனத்திற்கு கொண்டு வருவதாக துணைத்தூதுவர் எஸ் பாலசந்திரன்உறுதியளித்துள்ளார்.

 

இந்திய துணைத்தூதுவரை சந்தித்த வடமாகாண கல்வி அமைச்சர்  ஆனந்த சுதாகரனை விடுதலை செய்யவேண்டும் என்ற கோரிக்கை அடங்கிய மூன்று இலட்சம் மகஜர்கள் உட்பட ஆவணங்களை அவரிடம் சமர்ப்பித்துள்ளார்.

ஆனந்தசுதாகரன் ஆயுதபயிற்சி பெறாத ஒரு அரசியல்கைதி என்பதையும் துணைத்தூவரிடம் சுட்டிக்காட்டியுள்ள சர்வேஸ்வரன் அவரது குழந்தைகள் அநாதையாக்கப்படாமல் இருப்பதற்காக  இந்திய அரசாங்கம் இந்த விடயத்தில் தலையிடவேண்டும் என வேண்டுகோள் விடுத்துள்ளார்.

 

இந்த சந்திப்பின்போது கருத்து தெரிவித்துள்ள துணைத்தூதுவர் இந்த விடயத்தினை இந்திய பிரதமரின் கவனத்திற்கு கொண்டுசெல்வதாக உறுதியளித்துள்ளார்.

 

பயங்கரவாத தடைச் சட்டத்தின் கீழ் கடந்த 2008 ஆம் ஆண்டு கைது செய்யப்பட்டு ஆயுள் தண்டனை விதிக்கப்பட்ட அரசியல் கைதியான சச்சிதானந்தம் ஆனந்தசுதாகரனின் மனைவி யோகராணி கடந்த மார்ச் மாதம் 15 ஆம் திகதி வியாழக்கிழமை சுகயீனம் காரணமாக உயிரிழந்திருந்தார்.

 

இதனால் அரசியல் கைதி ஆனந்த சுதாகரனின் பிள்ளைகள் பெற்றோர்கள் அற்ற நிலையில் நிர்கதியாகியுள்ளனர்.

 

இந்நிலையில் பிள்ளைகளின் எதிர்காலத்தை கருத்திற்கொண்டு அரசியல் கைதியான ஆனந்த சுதாகரனை பொது மன்னிப்பு வழங்கி விடுதலை செய்யுமாறு அரசியல் தலைவர்கள் உட்பட பலர் ஜனாதிபதியிடம் வலியுறுத்திருந்தனர்.

 

அதுமட்டுமல்லாது அரசியல் கைதி ஆனந்த சுதாகரனை விடுதலை செய்யக்கோரி வடக்கு கிழக்கு கொழும்பு உள்ளிட்ட ஸ்ரீலங்காவின் பல பகுதிகளிலும் கையெழுத்து பெறும் நடவடிக்கையும் இடம்பெற்றிருந்தது.

 

ஆனந்தசுதாகரனின் பிள்ளைகள் ஜனாதிபதி மைத்திபால சிறிசேனவைச் சந்தித்துக் கலந்துரையாடியிருந்தனர்.

 

இதனையடுத்து    ஆனந்த சுதாகரனை  விடுவிப்பதாக ஐனாதிபதி தெரிவித்ததாக கடந்த மார்ச் மாதம் யாழ் ஊடக அமையத்தில்  ஊடகங்களைச் சந்தித்த ஆனந்தசுதாகரனின்மகன் மற்றும் மகள் ஆகியோர் தெரிவித்திருந்தனர்.

 

எனினும் அண்மையில் கிளிநொச்சியில் இடம்பெற்ற ஒரு நிகழ்வின் போது வட மாகாண முத­ல­மைச்சர் சி.வி.வி்க்கினேஸ்­வரன்   ஆனந்தசுதா­க­ரனின் விடு­தலை தொடர்பில் ஜனாதிபதி மைத்திரிபால சிறிசேனவிடம்  வலி­யு­றுத்திய போதிலும் ஆனந்தசுதா­க­ரனை உட­ன­டி­யாக விடு­தலை செய்ய முடி­யாத நிலைமை காணப்­ப­டு­வ­தாக ஜனா­தி­பதி  முத­ல­மைச்சரி­டம் கூறியமை குறிப்பிடத்தக்கது.

 

Comment (0) Hits: 142

அரசாங்கத்திற்கு எச்சரிக்கை விடுத்த சிந்தக பண்டார ..!

இரும்பு கரம் கொண்டு உழைக்கும் மக்களின் போராட்டத்தை நசுக்க நினைத்தால் பாரிய எதிர்வினைகளை அரசாங்கம் சந்திக்க நேரிடும் என தபால் ஊழியர் சங்க ஒன்றிணைப்பாளர் சிந்தக பண்டார எச்சரிக்கை விடுத்துள்ளார்.

தாம் முன்வைத்துள்ள கோரிக்கைகளில் சம்பள பிரச்சினை தொடர்பான கோரிக்கையினையாவது அரசாங்கம் கவனத்தில் கொள்ள வேண்டும். ஆனால் இதுவரை எந்த முயற்சியும் மேற்கொள்ளவில்லை என்றும் அவர் குற்றம் சுமத்தியுள்ளார்.

 

தபால் சேவையாளர்கள் பணிபகிஷ்கரிப்பினால் அரசாங்கத்திற்கு நாளொன்றுக்கு சுமார் 5 கோடி ரூபா நஷ்டம் ஏற்படுகின்றது.

 

எனினும் அரசாங்கம் அது தொடர்பில் எந்த பொறுப்பும் இன்றி செயற்படுகின்றது. இதனால் அவர்களுக்கு எந்த பாதிப்பும் இல்லை. பொது மக்களே பாரிய அசௌகரியங்களுக்கு முகங்கொடுத்துள்ளனர் என்றும் தபால் ஊழியர் சங்க ஒன்றிணைப்பாளர் சிந்தக பண்டார சுட்டிக்காட்டியுள்ளார்.

 

இந் நிலையில் அரசாங்கம் எமது விடுமுறை மற்றும் சம்பளம் என்பவற்றை நிறுத்தியுள்ளது. இது எம்மை ஏமாற்றி பணிக்கு திரும்ப செய்வதற்கான அரசாங்கத்தின் முயற்சியாகும். ஆனால் எமக்கான தீர்வு கிடைக்கும் வரை பணிப்பகிஷ்கரிப்பு தொடரும்.

 

அராசங்கம் இரும்பு கரம் கொண்டு உழைக்கும் மக்களின் போராட்டத்தை நசுக்க நினைத்தால் பாரிய எதிர்வினைகளை சந்திக்க நேரிடும் என தபால் ஊழியர் சங்க ஒன்றிணைப்பாளர் சிந்தக பண்டார எச்சரிக்கை விடுத்துள்ளார்.

Comment (0) Hits: 149

பல இடங்களில் மழை ; கடல் கொந்தளிப்பு!

நாட்டில் மேற்கு, சப்ரகமுவ, வடமேல் மத்திய மாகாணங்களிலும் பல இடங்களில் மழை பெய்யும் என்று வளிமண்டலவியல் திணைக்களம் அறிவித்துள்ளது.

காலி, மாத்தறை மாவட்டங்களில் மழை பெய்யலாம். நாட்டின் ஏனைய பகுதிகளில் சீரான காலநிலை நிலவும் என்று வளிமண்டலவியல் திணைக்களம் இன்று காலை விடுத்துள்ள வானிலை அறிக்கையில் குறிப்பிடப்பட்டுள்ளது.

புத்தளத்திலிருந்து மன்னார் வரையிலும் ஹம்பாந்தோட்டையிலிருந்து பொத்துவில் வரையான கடல் அவ்வப்போது ஓரளவு கொந்தளிப்பாக காணப்படும் எள்று வளிமண்டலவியல் திணைக்களம் தெரிவித்துள்ளது.

கடலில் பயணம் செய்வோரும் மீனவ சமூகமும் இவ்விடயத்தில் அவதானமாக இருக்குமாறு திணைக்களம் அறிவித்துள்ளது.

புத்தளத்திலிருந்து கொழும்பு மற்றும் காலி ஊடாக மாத்தறை வரையான கடற்பரப்புகளில் பல இடங்களில் மழையோ அல்லது இடியுடன் கூடிய மழையோ பெய்யக் கூடும்  எள்று வளிமண்டலவியல் திணைக்களம் தெரிவித்துள்ளது.

நாட்டைச் சூழவுள்ள கடற்பரப்புகளில் காற்றானது தென்மேற்கு திசையிலிருந்து வீசுவதுடன் காற்றின் வேகமானது மணித்தியாலத்துக்கு 30 – 40 கிலோ மீற்றர் வரை காணப்படும்.

புத்தளத்திலிருந்து மன்னார் ஊடாக காங்கேசன்துறை வரையான மற்றும் ஹம்பாந்தோட்டையிலிருந்து பொத்துவில் வரையான கடற்பரப்புகளில் காற்றின் வேகமானது அவ்வப்போது மணித்தியாலத்துக்கு 50-55 கிலோ மீற்றர் வரை அதிகரித்து வீசும் என்று வளிமண்டலவியல் திணைக்களம் இன்று காலை விடுத்துள்ள வானிலை அறிக்கையில் குறிப்பிடப்பட்டுள்ளது.

Comment (0) Hits: 146

சி.விக்கு எதிரான வழக்கின் தீர்ப்பு எதிர்வரும் 29 ஆம் திகதி!

வடமாகாண முதலமைச்சர் சி.வி.விக்னேஸ்வரனுக்கு எதிராக முன்னாள் அமைச்சர் டெனீஸ்வரன் தாக்கல் செய்திருந்த மனு மீதான வழக்கின் தீர்ப்பு, வரும் 29 ஆம் திகதி அளிக்கப்படும் என்று தெரிவிக்கப்பட்டுள்ளது.

 

மேன்முறையீட்டு நீதிமன்றம் இதனை  அறிவித்துள்ளது.

 

 

வடக்கு மாகாண முதலமைச்சர் சி.வி.விக்னேஸ்வரன், தம்மை பதவியில் இருந்து நீக்கியது தவறு என்று உத்தரவிடக் கோரி, முன்னாள் போக்குவரத்து அமைச்சர் டெனீஸ்வரன் மேன்முறையீட்டு நீதிமன்றத்தில் மனுத் தாக்கல் செய்திருந்தார்.

 

நீதியரசர்கள் குமுதினி விக்ரமசிங்க, ஜானக டி சில்வா ஆகியோரைக் கொண்ட அமர்வு இந்த வழக்கை விசாரித்திருந்தது.

 

இந்த மனு மீதான விசாரணைகள் முடிந்து, கடந்த 11ஆம் திகதி தீர்ப்பளிக்கப்படும் என்று அறிவிக்கப்பட்டிருந்தது.

 

எனினும், அன்றைய நாள் நீதியரசர்களில் ஒருவர் வராமையால், தீர்ப்பு, நேற்றைய நாளுக்கு ஒத்திவைக்கப்பட்டது.

 

இந் நிலையில்  நேற்றும் இந்த வழக்கிற்கான  தீர்ப்பு அளிக்கப்படவில்லை.  எதிர்வரும் இ 29ஆம் திகதி இந்த வழக்கின் தீர்ப்பு அளிக்கப்படும் என்று மேன்முறையீட்டு நீதிமன்றம் தெரிவித்துள்ளது.

Comment (0) Hits: 136

அரசியலமைப்பு தெரிவுக்குழுவிற்கு 3 உறுப்பினர்கள் நியமனம்!

அரசியலமைப்பு தொடர்பான தெரிவுக் குழுவின் உறுப்பினர்களாக அமைச்சர் ரவுப் ஹக்கீம் , கூட்டு எதிர்க்கட்சியின் நாடாளுமன்ற உறுப்பினர் சமல் ராஜபக்ஸ மக்கள் விடுதலை முன்னணியின் நாடாளுமன்ற உறுப்பினர் விஜித ஹேரத் ஆகியோர் நியமிக்கப்பட்டுள்ளனர்.

 

சிறிலங்கா அரசாங்கம் புதிய அரசியல் யாப்பினை உறுவாக்கும் முயற்சியில் ஈடுபட்டுவருகின்றது. அதற்கென உருவாக்கப்பட்டுள்ள அரசியலமைப்பு தொடர்பான தெரிவுக் குழுவின் உறுப்பினர்களாக குறித்த மூவரும் நியமிக்கப்பட்டுள்ளனர்.

 


புதிய நிலையியற் கட்டளைகளுக்கு அமைய இந்த நியமனங்கள் வழங்கப்பட்டுள்ளதாக சபாநாயகர் கரு ஜயசூரிய  சபையில் அறிவித்துள்ளார்.

 


இந்த தெரிவுக் குழுவில் சபாநாயகர் , பிரதமர் , சபைத்தலைவர் மற்றும் எதிர்க்கட்சித் தலைவர் ஆகியோர் அதிகாரபூர்வமாக செயற்படுகின்றனர்.



அதேவேளை அதற்கு மேலதிகமாக ஆளுங்கட்சி மற்றும் எதிர்க்கட்சிகளை பிரதிநிதித்துவம் செய்யும் வகையில் இந்த உறுப்பினர்கள் நியமிக்கப்பட்டுள்ளதாக தெரிவிக்கப்பட்டுள்ளது.

Comment (0) Hits: 137

ஊடகங்களின் பின்னணியில் வேறு சக்திகள் இருக்கின்றனவா? விஜேதாஸ கேள்வி !

சில ஊடகங்கள் நடந்து கொள்வதன் பின்னணியில் வேறு சக்திகள் இருக்கலாமென மக்கள் சந்தேகிப்பதாக உயர்கல்வி மற்றும் கலாசார அமைச்சர் விஜேதாஸ ராஜபக்ஷ சந்தேகம் வெளியிட்டுள்ளார்.

 

சிறப்புரிமை பிரச்சினையொன்றை முன்வைத்து நேற்று நாடாளுமன்றத்தில் உரையாற்றும்  போதே அவர் இதனை தெரிவித்துள்ளார்.

 

கொத்தலாவல பாதுகாப்பு திருத்தச் சட்டம் நிறைவேற்றப்பட்டதன் மூலம் சைற்றம் பிரச்சினைக்கு சகலரும் ஏற்கக் கூடிய தீர்வு வழங்கப்பட்டுள்ள போதிலும்   இதற்கு எந்தப் பத்திரிகையும் முன்னுரிமை வழங்கவில்லை என உயர்கல்வி மற்றும் கலாசார அமைச்சர் விஜேதாஸ ராஜபக்ஷ குற்றம் சுமத்தியுள்ளார்.

 

மூன்று வருடங்கள் நீடித்த சைற்றம் பிரச்சினைக்கு சகலரும் ஏற்கும் தீர்வு வழங்கப்பட்ட போதும் ஊடகங்கள் அதற்கு முன்னுரிமை வழங்காமல் பிரதி அமைச்சர் ஹரீஸுடனான விவாதத்தை பெரிதுபடுத்தி காண்பித்திருப்பதாகவும் அமைச்சர் விஜேதாஸ ராஜபக்ஷ சாடியுள்ளார்.

 

 

3 வருடங்களாக பல்கலைக்கழக கட்டமைப்பை செயலிழக்கச் செய்த மக்களுக்கு பிரச்சினையாக இருந்த சைற்றம் பிரச்சினைக்கு தீர்வு காணப்பட்டது.

 

 

இதற்காக 400 க்கும் அதிகமான ஊர்வலங்கள், ஆர்ப்பாட்டங்கள் போன்றன இடம்பெற்றன. இதற்கு ஊடகங்கள் முன்னுரிமை வழங்கியிருந்தன. ஆனால் எதிர்ப்பு இன்றி கொத்தலாவல பாதுகாப்பு திருத்தச் சட்டத்தை நிறைவேற்ற முடிந்துள்ளது. சகலரும் ஏற்கக் கூடிய தீர்வு வழங்கப்பட்டுள்ளது. ஆனால் இதற்கு எந்தப் பத்திரிகையும் முன்னுரிமை வழங்கவில்லை.


எனக்கும் பிரதி அமைச்சர் ஹரீஸுக்குமிடையில் மோதல் ஏற்பட்டதாக பிரதான தலைப்புச் செய்தி வெளியிடப்பட்டது. ஏற்கெனவே நான் கூறிய விடயமொன்று தொடர்பாக பிரதி அமைச்சர் உரையாற்றினார். அதற்கு நான் நட்பு ரீதியாக பதில் வழங்கினேன். அதனை மோசமான பெரிய மோதலாக பத்திரிகைகள் செய்தி வெளியிடுவது உகந்ததல்ல என சாடியுள்ளார்.

இவ்வாறு செய்தி வெளியிடுவதன் பின்னணியில் வேறு சக்திகள் உள்ளனவா என மக்கள் சந்தேகின்றனர்.

 

அரசாங்கம் நல்லிணக்கத்திற்காக அர்ப்பணிப்புடன் செயற்படுகையில் இனவாத உணர்வுகளை தூண்டும் வகையில் சில ஊடகங்கள் செய்தி வெளியிடுகின்றன. இது தொடர்பில் சபாநாயகர் கவனம் செலுத்த வேண்டும் உன்று உயர்கல்வி மற்றும் கலாசார அமைச்சர் விஜேதாஸ ராஜபக்ஷ வேண்டுகோள் விடுத்துள்ளார்.

Comment (0) Hits: 152

சிறுத்தையை கொன்றவர்களை கைது செய்ய நடவடிக்கை !

கிளிநொச்சி அம்பாள்குளம்  கிராமத்தில் நேற்று காலை  வன ஜீவராசி திணைக்கள உத்தியோத்தர் ஒருவர் உட்பட பத்து பேரை தாக்கி காயத்திற்கு உட்படுத்திய சிறுத்தையொன்று பொது மக்களால்  அடித்துக் கொல்லப்பட்டுள்ளது.

 

அம்பாள்குளம் விவேகானந்த வித்தியாலயத்திற்கு பின்புறமாக மக்கள் குடியிருப்பு பகுதியில் மக்கள் நடமாட்டம் இல்லாத காணிக்குள் புகுந்த சிறுத்தையொன்று மாடு கட்டுவதற்கு சென்ற ஒருவரையும் மற்றொருவரையும் தாக்கியுள்ளது.

 

இதனையடுத்து, குறித்த சிறுத்தை தொடர்பில் கிளிநொச்சி வனஜீவராசிகள் திணைக்களத்திற்கு  பொதுமக்களால் அறிவிக்கப்பட்டது.

 

யாழ்ப்பாணத்திலிருந்து வனஜீவராசிகள் திணைக்கள மருத்துவர் வருவார் என அறிவிக்கப்பட்ட நிலையில், மதியம் பதினொரு மணியளவில் வனஜீவராசிகள்  திணைக்கள மருத்துவர் உட்பட சில அதிகாரிகள் வருகை தந்தனர்.

 

இதற்கிடையில் சிறுத்தையின் தாக்குதலுக்கு எட்டு பேர் உள்ளாகியிருந்தனர். இதனையடுத்து வனஜீவராசிகள் திணைக்கள அதிகாரிகள் குறித்த சிறுத்தையை சுற்றி வளைத்த போது, திணைக்கள  உத்தியோகத்தர் ஒருவரையும் சிறுத்தை தாக்கியது.

 

இந்நிலையில் வனஜீவராசிகள் திணைக்கள அதிகாரிகளுக்கும் கிராம பொது மக்களுக்கும் இடையே கருத்து முரண்பாடுகள் ஏற்பட்டது.


வனஜீவராசிகள் திணைக்கள அதிகாரிகள் உரிய நேரத்திற்கு வந்து பொருத்தமான நடவடிக்கைகள் மேற்கொள்ளவில்லை என பிரதேசவாசிகள் குற்றம் சாட்டினர்.

 

இதனையடுத்து, தங்களின் நடிவடிக்கைகளுக்கு பொது மக்கள் இடையூறு விளைவிப்பதாக தெரிவித்து, வனஜீவராசிகள் அதிகாரிகள் அங்கிருந்து சென்று விட்டனர்.

 

பின்னர்  கிராம பொது மக்கள் பற்றை ஒன்றுக்குள் பதுங்கியிருந்த சிறுத்தையை சுற்றி வளைத்த நிலையில், பற்றைக்குள் இருந்து பாய்ந்த சிறுத்தை ஒருவரை தாக்கிய நிலையில், ஏனைய பொதுமக்கள் சேர்ந்து அதனை பொல்லுகளால்  தாக்கி கொன்றனர்.

 

சம்பவ இடத்தில்  கிளிநொச்சி  பொலிஸார், கிராம அலுவலர் உட்பட பலரும் இருந்தனர்.

 

குறித்த சிறுத்தையின் தாக்குதலுக்குள்ளாகி காயமடைந்த பத்து பேரும், கிளிநொச்சி மாவட்ட வைத்தியாலையில் சிகிசை பெற்றுவருகின்றனர்.

 

இதேவேளை சிறுத்தையை அடித்து கொன்றவர்களை கைது செய்வதற்கு நடவடிக்கை மேற்கொண்டுள்ளதாக வனஜீவராசிகள்  திணைக்களம் தெரிவித்துள்ளது.

 

 

Comment (0) Hits: 157

தனது பத­விக்­கா­லத்­தை நீடிக்­கு­மாறு கோர­வில்லை - சி.வி. விளக்­கம்!

தனது பத­விக்­கா­லத்­தை நீடிக்­கு­மாறு தான் எவ­ரையும் கோர­வில்லை என வட மாகாண முத­ல­மைச்சர் சி.வி.விக்­கி­னேஸ்­வரன் தெரிவித்துள்ளார்.

முத­ல­மைச்சர் விக்­கி­னேஸ்­வ­ரனின் பத­விக்­காலம் நீடிக்­கப்­ப­டாது என்று அமைச்­ச­ரவை முடிவு அறி­விக்கும் செய்­தி­யாளர் மாநாட்டில் எழுப்­பப்­பட்ட கேள்வி ஒன்­றுக்கு  அமைச்­ச­ரவை பேச்­சாளர் ராஜித சேனா­ரத்ன பதி­ல­ளித்திருந்தார்.

 

இந்த விடயம் தொடர்பில் விளக்­க­ம­ளித்­துள்ள முத­ல­மைச்சர் நான் எனது பத­விக்­காலத்தை நீடிப்­பது சம்­பந்­த­மாக   எவ­ரையும் கோர­வில்லை. பத்­தி­ரி­கைகள் திடீ­ரென்று கேட்கும் கேள்­வி­க­ளுக்குப் பதிலளிக்க வேண்டாம் என்று எனது ஆலோ­ச­கர்கள் கூறி­யதைப் புறக்­க­ணித்­ததால் வந்த வினை இது. 

 

எமது பத­விக்­காலம் முடிந்து தேர்தல் தாம­தித்து நடக்­கப்­ப­ட­வி­ருப்­பதைப் பற்­றியே கேள்வி என்­னிடம் கேட்­கப்­பட்­டது. தாம­தித்து தேர்­தல்கள் நடை­பெற்றால் ஆளுநர் ஆட்சி வரும். இது தவிர்க்­கப்­ப­ட­வேண்டும். அவ்­வாறு ஆளுநர் ஆண்டால் 13 ஆவது திருத்­தச்­சட்டம் கொண்டு வந்­த­தற்கு அர்த்­தமே இல்­லாது போய்­விடும். 

 

மத்­திய அர­சாங்கம் தமக்கு வேண்­டி­ய­வற்றை இங்கு நடத்த அது வழியமைத்­து­விடும் என்ற அர்த்­தத்தில் கூற வந்த போது தான் தேர்தல் வரையில் எமது பத­விக்­காலம் நீடிக்­கப்­ப­டு­வ­தாக இருந்தால் இப் பிரச்­சினை எழாது என்று கூறினேன். நான் என் பத­வியை நீடிக்கக் கோர­வில்லை. அத­னு­டைய அர்த்தம் தேர்­தல்கள் உரிய காலத்தில் நடத்­தப்­ப­ட­வேண்டும் என்­பதே. 

 

அதைச் சாட்­டாக வைத்து எமது வட­கி­ழக்கு மாகா­ணங்­களில் எமக்கு உகந்­தவை அல்ல என்று நாம் அடை­யாளம் காணும் விட­யங்­களை ஆளு­நர்கள் இங்கு வேரூன்ற விட இட­ம­ளிக்கக் கூடாது என்ற அர்த்­தத்­தி­லேயே அதைக் கூறினேன் என்றார்.

Comment (0) Hits: 150

ஏகாதிபத்திய ஆட்சிக்கு இடமளிக்கப்போவதில்லை – ஜனாதிபதி

2015 ஜனவரி 08ஆம் திகதி இந்த நாட்டு மக்கள் நாட்டில் ஆட்சி மாற்றத்தை ஏற்படுத்தியது அன்று நாட்டில் காணப்பட்ட ஏகாதிபத்திய ஆட்சிக்கு எதிராகவேயாகும் என்று ஜனாதிபதி மைத்ரிபால சிறிசேன தெரிவித்தார்.

 

இந்த அனுபவங்களை மறந்துவிட்டவர்கள் இன்று மீண்டும் நாட்டுக்கு ஏகாதிபத்திய ஆட்சியை வேண்டி நின்ற போதும் 2015 ஜனவரி 08ஆம் திகதி இந்த நாட்டு மக்கள் வைத்த எதிர்பார்ப்பு வீண்போவதற்கு இடமளிக்கப்போவதில்லை என்றும் ஜனாதிபதி சுட்டிக்காட்டினார்.

 

புதிய  நிகழ்ச்சித்திட்டத்தின் கீழ் நிர்மாணிக்கப்பட்ட 81வது  வீடமைப்பு திட்டமான குருணாகலை மாவட்டத்தில் உள்ள நிக்கவரெட்டிய, கொட்டவெஹர, வெஹரபுர வீடமைப்புத்திட்டம் இன்று ஜனாதிபதி மைத்ரிபால சிறிசேனவினால் மக்களிடம் கையளிக்கப்பட்டது.

 

இந்த நிகழ்வில் கலந்துகொண்டு உரையாற்றும்போதே ஜனாதிபதி இதனைத் தெரிவித்தார்.

ஏகாதிபத்திய ஆட்சி யுகத்திற்கு முடிவுகட்டி, மக்களின் எதிர்பார்ப்பாக இருந்த சுதந்திரமும் ஜனநாயகமும் நூற்றுக்கு இருநூறு வீதம் இன்று நாட்டில் உறுதிப்படுத்தப்பட்டுள்ளதாகக் குறிப்பிட்ட ஜனாதிபதி, இன்றைய ஆட்சியை உயிரற்ற ஆட்சியாக அடையாளப்படுத்துவதற்கு சிலர் முயற்சித்து வருகின்றபோதும், இது சுதந்திரம் மற்றும் ஜனநாயகத்துடன் முன்னெடுக்கப்பட்டிருக்கும் பயணம் என்பதை அவர்கள் அனைவரும் விளங்கிக்கொள்ள வேண்டுமெனக் குறிப்பிட்டார்.

 

கிடைக்கப்பெற்றுள்ள சுதந்திரம் மற்றும் ஜனநாயகத்தை பிழையாக பயன்படுத்தி அரசாங்கத்தை சாடுவதற்கு சிலர் முயற்சிக்கின்றபோதும், நாட்டில் உள்ள கல்விமான்கள், புத்திஜீவிகள் மற்றும் ஜனநாயகத்தை மதிக்கின்ற அனைவரையும் ஒன்றுசேர்த்து நாட்டுக்குத் தேவையான சரியான அரசியல் மற்றும் அபிவிருத்திப் பயணத்தை மேலும் பலப்படுத்தி முன்கொண்டு செல்வதாக ஜனாதிபதி  குறிப்பிட்டார்.

 

கடந்த மூன்றரை வருட காலமாக நாட்டில் உறுதிப்படுத்தப்பட்டுள்ள சுதந்திரம் மற்றும் ஜனநாயகத்துடன் விலகிச் சென்றிருந்த சர்வதேசத்தை மீண்டும் தாய் நாட்டுடன் நெருக்கமாக்குவதற்கும் நாட்டுக்குத் தேவையான பல வெற்றிகளை கொண்டு வரவும் முடிந்திருப்பதாக குறிப்பிட்ட ஜனாதிபதி, இந்தப் பயணத்தை பின்னோக்கி திருப்புவதற்கு எவரும் உடந்தையாக இருக்கக் கூடாதென்றும் குறிப்பிட்டார்.

Comment (0) Hits: 151

"சண்டே லீடர்" ஆசி­ரியர் படுகொலை தொடர்பில் இன்றும் விசா­ரணை!

"சண்டே லீடர்" பத்­தி­ரி­கையின் முன்னாள் ஆசி­ரியர் லசந்த விக்­ர­ம­துங்க படுகொலை விவ­காரம் தொடர்பில் இன்றும் விசா­ரணை இடம்பெறவுள்ளது.

 

அதன்படி  விசா­ர­ணை­களின் ஒரு அங்­க­மா முன்னாள் பொலிஸ் மா அதிபர் ஜயந்த விக்­ர­ம­ரத்­னவை குற்றப்புலனாய்வு திணைக்களம் (CID)  இன்று விசா­ரணை செய்­ய­வுள்­ளது. 

 

முன்னாள் பொலிஸ் மா அதிபர் ஜயந்த விக்­ர­ம­ரத்­னவை இன்று முற்­பகல் குற்றப் புல­னாய்வுப் பிரிவில் முன்னிலையாகுமாறு அழைப்பு விடுக்­கப்­பட்­டுள்­ளது.

 

 

குற்­றப்­பு­ல­னாய்வுப் பிரிவில் முன்னிலையாக  அழைப்பு விடுக்­கப்­பட்­டுள்ள முன்னாள் பொலிஸ் மா அதிபர் ஜயந்த விக்­ர­ம­ரத்­ன­விடம், "சண்டே லீடர்" பத்­தி­ரி­கையின் முன்னாள் ஆசி­ரியர் லசந்த விக்­ர­ம­துங்க  கொலையின் பின்னர் சாட்­சிகள் மாற்­றப்­பட்­டமை, அவரின் குறிப்புப் புத்­தகம் காணாமல் ஆக்­கப்­பட்­டமை தொடர்­பிலும்  ஊட­க­வி­ய­லாளர் கீத் நொயார் கடத்தல், கொலை முயற்சி விவ­காரம் தொடர்­பிலும் விசா­ர­ணைகள் முன்­னெ­டுக்­கப்ப­ட­வுள்­ள­தாக குற்றப்  புலனாய்வுப் பிரிவின் உயர் அதி­காரி ஒருவர் தெரிவித்துள்ளார்.

Comment (0) Hits: 150

தபால் தொழிற்சங்கத்தினருக்கும் தபால்மா அதிபருக்கும் இடையில் இன்று பேச்சுவார்த்தை!

பணிப்பகிஷ்கரிப்பில் ஈடுபட்டுள்ள தபால் தொழிற்சங்கத்தினருக்கும் தபால்மா அதிபருக்கும் இடையில் இன்று மற்றுமொரு பேச்சுவார்த்தை நடைபெறவுள்ளது.

 

பணிப்பகிஷ்கரிப்புக்கு முக்கியமான காரணமான, சேவையில் இணைத்துக் கொள்வதற்கான கொள்கையினூடாக சம்பள தரத்தினை நிர்ணயிப்பது குறித்து இன்றைய பேச்சுவார்த்தையின் போது கவனம் செலுத்தப்படவுள்ளது.

 

தமக்கான இறுதித் தீர்வு வழங்கப்படும் வரை பகிஷ்கரிப்பு முன்னெடுக்கப்படும் எனத் தெரிவித்த தபால் தொழிற்சங்க ஒன்றியத்தின் ஏற்பாட்டாளர் சிந்தக்க பண்டார, கடந்த 11 நாட்களாக தமது போராட்டம் தொடர்வதாகவும் கூறினார்.

 

இவர்களின் பணிப்பகிஷ்கரிப்பு காரணமாக மத்திய தபால் பரிமாற்றத்தில் சுமார் 15 இலட்சம் கடிதங்கள் தேங்கியுள்ளதாகவும் தபால் தொழிற்சங்க ஒன்றியத்தின் ஏற்பாட்டாளர் சிந்தக பண்டார  குறிப்பிட்டார்.

 

அதேநேரம், தொழிற்சங்க நடவடிக்கை காரணமாக முழு தபால் சேவைகளும் ஸ்தம்பிதமடைந் துள்ளதாக தொழிற்சங்கங்கள் தெரிவிக்கின்றன.

 

இதனையடுத்து, பட்டியல் கட்டணங்களை செலுத்துதல், ஓய்வூதியக் கொடுப்பனவை வழங்குதல் உள்ளிட்ட அனைத்த செயற்பாடுகளும் ஸ்தம்பிதமடைந்துள்ளதாகவும் சுட்டிக்காட்டப்பட்டுள்ளது.

Comment (0) Hits: 147

கடலட்டை பிடித்த வௌிமாவட்ட மீனவர்கள் 8 பேர் கைது!

யாழ். வடமராட்சி, கிழக்குக் கட்டைக்காடு கடற்பரப்பில் சட்டவிரோதமாகக் கடலட்டை பிடித்த வௌிமாவட்ட மீனவர்கள் 8 பேர் கைது செய்யப்பட்டுள்ளனர்.

 

கடற்றொழில் திணைக்களத்தின் யாழ். மாவட்ட உதவிப் பணிப்பாளர் ஜெயராஜசிங்கம் சுதாகரன் இதனை தெரிவித்துள்ளார்.

 

வௌிமாவட்ட மீனவர்கள்இ இன்று அதிகாலை 2 மணியளவில் உள்ளூர் மீனவர்களால் சுற்றிவளைக்கப்பட்டதாக அவர் தெரிவித்துள்ளார்.

 

வௌிமாவட்ட மீனவர்களின் மூன்று படகுகளும் இதன்போது கைப்பற்றப்பட்டுள்ளன.

 

வடமராட்சி கிழக்குக் கடற்பரப்பில் அண்மைக் காலமாக வௌிமாவட்ட மீனவர்களின் அத்துமீறல்கள் அதிகரித்துள்ளதாக குற்றச்சாட்டு முன்வைக்கப்பட்டுள்ளது.

 

இந்த நிலையில்இ கடந்த வாரம் பாரியளவில் ஆர்ப்பாட்டங்களும் முற்றுகைப் போராட்டங்களும் முன்னெடுக்கப்பட்டன.

 

எனினும், சுற்றிவளைப்பு நடவடிக்கைகளில் அதிகாரிகள் ஈடுபடாமையால், உள்ளூர் மீனவர்கள் சுற்றிவளைப்பில் ஈடுபட்டதாக தெரிவிக்கப்படுகின்றது.


அதற்கமைய, கடலட்டை பிடித்த வௌிமாவட்ட மீனவர்கள் இன்று அதிகாலை மடக்கிப்பிடிக்கப்பட்டதாக கட்டைக்காடு பகுதி மீனவர்கள் தெரிவித்துள்ளனர்.

Comment (0) Hits: 147

பாராளுமன்றத்திற்கான புதிய காணி உறுதிபத்திரம் கையளிப்பு!

சீரான ஒழுங்கு முறைமையின் பிரகாரம் எல்லை நிர்ணயம் செய்யப்பட்ட பாராளுமன்றத்திற்கான புதிய காணி உறுதிபத்திரம் கையளிக்கப்பட்டது.


இந்த உறுதிப்பத்திரம் இன்று சபாநாயகர் கரு ஜயசூரியவிடம் கையளிக்கப்பட்டது.

இதனை  காணி மற்றும் பாராளுமன்ற மறுசீரமைப்பு அமைச்சர் கயந்த கருணாதிலக்க யைளித்தார்.

 

இந் நிகழ்வில் சபாநாயகர் கரு ஜயசூரிய, சப‍ை முதல்வரும் அமைச்சருமான லக்ஷமன் கிரியெல்லஇ ஆளும் கட்சியின் பிரதம கொறடாவும் காணி மற்றும் பாராளுமன்ற மறுசீரமைப்பு அமைச்சருமான கயந்த கருணாதிலக்க உட்பட அமைச்சர்கள், பாராளுமன்ற உறுப்பினர்கள் என பலரும் கலந்து கொண்டனர்.

Comment (0) Hits: 147

வட கிழக்கில் 83 ஆயிரம் ஏக்கர் காணிகள் விடுவிக்கப்பட்டுள்ளது-ருவன் !

வடக்கு,கிழக்கில் 83 ஆயிரம் ஏக்கர் காணி­களை விடு­வித்­துள்ளோம். இன்னும் பல ஏக்கர் காணி­களை விடு­விக்க வேண்­டி­யுள்­ளது. அதனை நாம் கட்­டா­ய­மாக விடு­விப்போம் என பாது­காப்பு இரா­ஜாங்க அமைச்சர் ருவன்  விஜே­வர்­தன சபையில் தெரிவித்துள்ளார்.

 

பாரா­ளு­மன்­றத்தில் நேற்று புதன்­கி­ழமை  வடக்கு,கிழக்கு காணி விடு­விப்பு தொடர்­பான சபை ஒத்­தி­வைப்பு வேளை பிரே­ரணை மீதான விவா­தத்தில் கலந்து கொண்டு  உரை­யாற்­று­கை­யி­லேயே அவர் இதனை                தெரிவித்துள்ளார்.

 

மட்­ட­க்க­ளப்பு மாவட்டத்தில் பல்­வேறு இடங்­களை இரா­ணு­வத்­திடம் இருந்து விடு­விப்­பது தொடர்பில் இரா­ணுவ        தள­ப­தி­யுடன் பேசினேன்.

 

 

ஒரு வருட காலப்­ப­கு­தியில் அதனை விடு­விக்க முடியும் என அவர் என்­னிடம் கூறினார். இரா­ணுவ தலை­மை­ய­கத்­திற்கு மாற்று காணி தேவை­யாகும். தற்­போது அதற்­கான நட­வ­டிக்கை                        முன்­னெ­டுக்­கப்­பட்­டுள்­ளது. முழு முகா­மையும் அங்கு கொண்டு செல்ல வேண்டும். 

 

இரா­ணுவ முகா­மொன்றுக்கு புதி­தாக காணி­யொன்றை சுவீ­க­ரிக்க பெரும் காலம் தேவை­யாகும். அடிப்­படை வச­திகள் சீர் செய்ய வேண்டும். என்­றாலும் வடக்கு, கிழக்கு காணிகள் விடு­விப்பு கட்­டா­ய­மாக நடக்கும். இரா­ணு­வத்தை அங்கே வைத்­துக்­கொள்ள மாட்டோம்.

 

தற்­போது அதற்­கான அனைத்து ஏற்­பா­டு­க­ளையும் செய்­துள்ளோம். மீண்டும் இரா­ணுவ தள­ப­தி­யுடன் பேசி நட­வ­டிக்கை எடுப்பேன். முழு­மை­யாக அதனை துரி­தப்­ப­டுத்த ஏற்­பா­டு­களை முன்­னெ­டுப்போம்.

 

வடக்கு,கிழக்கில் 83 ஆயிரம் ஏக்கர் காணி­களை விடு­வித்­துள்ளோம். இன்னும் பல ஏக்கர் காணிகளை கட்டாயம் விடுவிப்போம்.தாமதம் உள்ளது. என்றாலும் நிச்சயமாக விடுவிப்போம் என பாது­காப்பு இரா­ஜாங்க அமைச்சர் ருவன்   விஜே­வர்­தன சபையில் தெரிவித்துள்ளார்.

Comment (0) Hits: 155

மழையுடனான காலநிலை அதிகரிக்க கூடும்..!

நாட்டில் நிலவி வரும் சீரற்ற காலநிலை இன்று சற்று அதிகரிக்க கூடுமென வளிமண்டலவியல் திணைக்களம் தெரிவித்துள்ளது.

 

நாட்டின் தென்மேற்கு பகுதியில் தற்போது காணப்படும் மழையுடனான காலநிலை சற்று அதிகரிக்கு என்று  திணைக்களம் எதிர்வுகூறியுள்ளது.

மேல், சப்ரகமுவ, மத்திய, மற்றும் வடமேல் மாகாணங்களிலும் காலி மற்றும் மாத்தறை மாவட்டங்களிலும் மழை அல்லது இடியுடன் கூடிய மழை பெய்யக்கூடும் அத்தோடு சப்ரகமுவ மற்றும் மத்திய மாகாணங்களில் சில இடங்களில் 50 மில்லிமீற்றருக்கும் அதிகமான ஓரளவு பலத்த மழைவீழ்ச்சி பதிவாகக்கூடும் என்பதோடு அனுராதபுரம், வவுனியா மற்றும் ஹம்பாந்தோட்டை மாவட்டங்களில் மழை பெய்யக்கூடும் என வளிமண்டலவியல் திணைக்களம் எதிர்வுகூறியுள்ளது..

வடக்கு, வடமத்திய, வடமேல் மற்றும் ஊவா மாகாணங்களிலும் மாத்தளை, திருகோணமலை மற்றும் அம்பாந்தோட்டை மாவட்டங்களில் மணித்தியாலத்துக்கு 40-50 கிலோமீற்றர் வரையான வேகத்தில் ஓரளவு பலத்த காற்று வீசக்கூடும் எனவும் திணைக்களம்  தெரிவித்துள்ளது.


வட கடற்பரப்பிலும் மன்னார் வளைகுடாவிலும் மணித்தியாலத்துக்கு 60-70 கிலோ மீற்றர் வரையான வேகத்தில் பலத்த காற்று வீசக்கூடும் அத்தோடு புத்தளத்திலிருந்து கொழும்பு மற்றும் காலி ஊடாக மாத்தறை வரையான கடற்பரப்புகளில் பல இடங்களில் மழை அல்லது இடியுடன் கூடிய மழை பெய்யக்கூடும் என வளிமண்டலவியல் திணைக்களம் எதிர்வுகூறியுள்ளது..

 


நாட்டைச் சூழவுள்ள கடற்பரப்புகளில் காற்றானது தென்மேற்கு திசையிலிருந்து வீசுவதுடன் காற்றின் வேகமானது மணித்தியாலத்துக்கு 35–45 கிலோமீற்றர் வரை காணப்படும்.

 


புத்தளத்திலிருந்து மன்னார் ஊடாக காங்கேசன்துறை வரையான மற்றும் புத்தளத்திலிருந்து மன்னார் வரையான கடற்பரப்புகளில் காற்றின் வேகமானது மணித்தியாலத்துக்கு 60-70 கிலோமீற்றர் வரை அதிகரித்து வீசக்கூடுவதுடன், கடல் கொந்தளிப்பாக காணப்படும் என வளிமண்டலவியல் திணைக்களம் எதிர்வுகூறியுள்ளது..


அம்பாந்தோட்டையிலிருந்து பொத்துவில் வரையான கடற்பரப்புகளில் காற்றின் வேகமானது மணித்தியாலத்துக்கு 60 கிலோமீற்றர் வரை அதிகரித்து வீசக்கூடுவதுடன், கடல் கொந்தளிப்பாக காணப்படும் என்பதோடு ஏனைய கடற்பரப்புகளில் காற்றின் வேகமானது மணித்தியாலத்துக்கு 50 கிலோமீற்றர் வரை அதிகரித்து வீசக்கூடுவதுடன், கடல் ஓரளவு கொந்தளிப்பாக காணப்படுமென வளிமண்டலவியல் திணைக்களம் தெரிவித்துள்ளது.

 


மின்னல் தாக்கங்களினால் ஏற்படக்கூடிய பாதிப்புகளை குறைத்துக்கொள்ள தேவையான முன்னெச்சரிக்கை நடவடிக்கைகளை எடுத்துக் கொள்ளுமாறு பொதுமக்கள் அறிவுறுத்தப்படுகின்றார்கள்.

Comment (0) Hits: 147

காணாமல் போன 351 நபர்களது பெயர்கள்!

2009 இலங்கையில் இடம்பெற்ற இறுதிக்கட்ட யுத்ததின் போதும், அதற்கு பின்னரும் ஸ்ரீலங்கா இராணுவத்தினரிடம் கையளிக்கப்பட்டும், சரணடைந்தும் இராணவத்தினரால் கடத்தப்பட்டும் பலர் காணாமல் ஆக்கப்பட்டிருந்தனர்.

 

யுத்த காலப்பகுதியில் காணாமல் போன மற்றும் காணாமல் ஆக்கப்பட்டவர்களாக கருதப்படும் நபர்கள் தொடர்பான விடயங்கள் சர்வதேச உண்மை மற்றும் நீதி திட்டத்திற்கமைய இணையத்தளத்தில் வெளியிடப்பட்டுள்ளது.

காணாமல் போன 351 நபர்களது பெயர் மற்றும் விபரங்கள் இதுவரை இந்த இணையத்தளத்தில் உள்ளடக்கப்பட்டுள்ளது.

குறித்த  இணையத்தளத்தில் பட்டியலிடப்பட்ட நபர்கள் பற்றிய தகவல்களை இலங்கையில் அல்லது வெளிநாட்டிலுள்ள எவரேனும் அறிந்திருந்தால் காணாமல்போனோர் அலுவலகத்துடன் தொடர்புகொள்ளுமாறும் வெளிநாட்டு அலுவல்கள் அமைச்சு தெரிவித்துள்ளது.

குறித்த பட்டியலில் கொழும்பு, யாழ்ப்பாணம், வட்டுவாக்கல், வவுனியா முள்ளிவாய்க்கால், நந்திக்கடல், முல்லைத்தீவு,  வலிகிராமம், உள்ளிட்ட பல இடங்களில்15.01.2009 10.05.2009 14.05.2009 15.05.2009 17.05.2009 18.05.2009 19.05.2009 22.06.2009 2010 21.04.2009 04.03.2009 மற்றும் 30.04.2009 வருடமும் காணாமல் ஆக்கப்பட்டவர்களின் பெயர் பட்டியலே வெளியிடப்பட்டுள்ளது.

மேலதிக விபரங்களை அறிந்துக்கொள்ள http://www.disappearance.itjpsl.com/#lang=tamil இணையதளத்தை பார்வையிடவும். 

காணமல் ஆக்கப்பட்டதாக கருதப்படும் நபர்களின் பெயர்பட்டியல் வருமாறு ... 

  • ஆரமுதன் - ஆறுமுகம் விஜியரட்ணம்
  • அகிலன் மாஸ்ரர்
  • அலக்ஸ்
  • அம்பி / சீராளன் - ( பரமேஸ்வரன்)
  • அம்பி / சீராளன் - ( பரமேஸ்வரன்)
  • அம்பியின் மகள் - 1 (பரமேஸ்வரன் பிரியாழினி)
  • அம்பியின் மகள் - 2
  • அம்பியின் மகன் -(பரமேஸ்வரன் பிரதீபன்)
  • அம்பியின் மனைவி - புரட்சிகா ( பரமேஸ்வரன் சசிகலா)
  • ஆனந்தன்
  • அன்பழகன் - (தர்மலிங்கம் தயாபரன்)
  • அன்பன் - மூர்த்தி சந்திரபோஸ்
  • அன்பு - அப்புக்குட்டி கோபாலகிருஸ்ணன்
  • அன்புமதி - (தங்கவேலு தீபா)
  • அரசன்
  • அரசண்ணா
  • அரவிந்தன்
  • அறிவரசன்
  • ஆரியன்
  • ஆர்த்தி - (முத்துராசா ஸ்ரீசஞ்சிலா)
  • ஆறுமுகம் தர்சினி
  • அருண் மாஸ்டர்
  • அருணன்
  • அருநந்தா கிருஸ்னர்
  • அருநம்பி / அருள்நம்பி (லெப்.கேணல்) - புண்ணியமூர்த்தி முகலன்
  • அகஸ்டீன் ஜெயராணி
  • பாபு (மலரவன்) - ( அண்ணாமலை அருணன்)
  • பாபுவின் மகள்
  • பாபுவின் மகள்
  • பாபுவின் மனைவி
  • பேபி - சுப்ரமணியம் (இளங்குமரன்)
  • பேபி சுப்ரமணியம் மகள் - அறிவுமதி
  • பேபி சுப்ரமணியம் - மனைவி ரட்ணா - (ஜெயமதி கிருபாகரன்)
  • பாலகுமாரன்
  • பாலகுமாரின் மெய்ப் பாதுகாவலர் - காளி மாஸ்ரர்
  • பாலகுமாரின் சாரதி - குமரன் - தம்பிப்பிள்ளை ஐங்கரன்
  • சூரியதீபன் பாலகுமாரன்
  • பாலேஸ்
  • பாலதாஸ் (தமிழ்குமரன்)
  • பாஸ்கரன்
  • பவான் - கமில்ரன் 
  • பவநிதி
  • சந்திரன் . லெ. கேணல்.
  • சந்திரன் தர்சன்
  • சித்திராங்கன்
  • டயாதாஸ் / நக்கீர் - (சின்னராசா ஞானேந்திரன்)
  • திலீப் - புறோக்கர்
  • தினேஷ் மாஸ்டர்
  • இசைவாணன் இந்திரகுமார் இந்திரராசா
  • எழிலன் - சின்னத்துரை சசிதரன்
  • எழிலரசன் - சுதாநந்தராசா சுதாகரன்
  • எழில்வாணண் - (கிருஸ்ணமூர்த்தி ஜெயகுலன்)
  • இளையவன் -(இராசமூர்த்தி ஜெயவினோதன்)
  • எழில்வண்ணன் மாஸ்ரர்
  • அருட்தந்தை பிரான்சிஸ் ஜோசப்
  • ஞானவேல் - (சிதம்பரநாதர் ராஐகுலசிங்கம்)
  • ஞானம்  
  • ஞானேந்திரன் சின்னராசா
  • கரிகரன்
  • ஹென்றி/தென்னவன் - அருள்நாயகம் பசில்நாயகம்
  • இளம்பரிதி - ஆஞ்சினேயர் (சின்னத்தம்பி மகாலிங்கம்)
  • இளம்பருதியின் மகன் தமிழ்ஒளி
  • இளம்பருதியின் மகள் - மாகாலிங்கம் எழிழினி
  • இளம்பருதியின் மகள் - மகாலிங்கம் மகிழினி
  • இளம்பருதியின் மனைவி - மகாலிங்கம் சிவாஜினி
  • இளந்திரையன் (மார்சல்) - இராசையா
  • இளவேங்கை மாஸ்ரர்
  • இளம்பருதி
  • இளம்பருதி (கோல்சர் பாபு) - (நடராஜா சிவகணேஸ்)
  • இளமுருகன் - இராமச்சந்திரன் உதயச்சந்திரன்
  • இளஞ்சேரன் - பொன்னம்பலம் ஜெயகாந்தன்
  • இன்பன் - அன்ரனி அமலசோதி
  • இன்சுரபி ( முத்துகுமார் சிவதர்சினி)
  • இன்தமிழ்
  • ராமசாமி நாகராசா
  • இரும்பொறை மாஸ்டர் - செல்வநாயகம் பத்மசீலன்
  • செல்வநாயகம் குகசீலன் - இரும்பொறை மாஸ்ரரின் சகோதரன்
  • செல்வநாயகம் தவசீலன் - இரும்பொறை மாஸ்ரரின் சகோதரன்
  • இசைவாணி - (கருப்பையா சசிகுமாரி)
  • இசைவாணன் - (அருட்செல்வம் ஜீவராஜ்)
  • இசையாளன் - கந்தசாமி திவிச்சந்திரன்
  • இசையாளன்
  • இயலரசன் -( பாலச்சந்திரன் ரவீந்திரன்)
  • ஜான்
  • ஜனனி
  • ஜவான் - தமிழன்பன்
  • சற்சுதன் எழில்நிலா - ஜவான் உடைய மகள்
  • ஜெகசோதி புஸ்பகாந்தன்
  • ஜெரி - விக்ரர் அமரசிங்கம் - விமலசிங்கம் 
  • ஜெயராஜ்
  • கடலரசன் - (வேலுப்பிள்ளை திருக்குமரன் )
  • ரேணா - கடலரசனின் மனைவி (திருக்குமரன் சுபாசினி)
  • கலைகோன் - பாலகிருஷ்ணன் கோகிலகிருஷ்ணன்
  • கலைவீரன் - (காளிமுத்து தங்கராசா)
  • கலையரசி
  • கலையொலி - (முத்துராசா சிறிசர்மிலா)
  • கனகன் - லோகநாதன் அருணாசலம் 
  • கண்ணன் - நல்லதம்பி சுதன்
  • கண்ணன் - (சுடரெளி)- (ஞனச்செல்வம் உதயராசா)
  • கண்ணன்
  • காந்தா
  • கந்தைய்யா சதீஸ்குமார்.
  • கந்தம்மான் - பொன்னம்பலம் கந்தசாமி
  • கந்தசாமி சுகந்தினி
  • காந்தி
  • கரிகாலன்
  • கார்மேகன்- (நாகராசா கோவிந்தராசா)
  • கருவண்ணன்
  • கதிர்
  • கதிர்காமதாஸ் ஞானஐயர்
  • கதிர்நம்பி - கணேசமூர்த்தி அனுசாந்
  • கவியுகன்
  • கேசவநாதன் பொன்ராசா
  • கிட்டிணபிள்ளை பிரதீபா
  • கிண்ணி - (பரமானந்தசிவம் ரமணன்)
  • கிரி
  • கிருபா மாஸ்ரர்
  • கிருபாகரன்
  • கிருபானந்தன் சசிகரன்
  • கோபி - வீரபாண்டியன்
  • கொலம்பஸ் - உருத்திரமூர்த்தி கிருஸ்ணகுமார்
  • கோமதி
  • குகா - (செர்ணலிங்கம் குகனேஸ்வரி)
  • குயிலன்
  • குலம் / சுடரேந்தி - (ரட்ணம் வரதராசா)
  • குமணண்
  • குமரன்
  • குமரன் 
  • குமாரசாமி கலாநித்தியா 
  • குமாரவேல் - கதிர்காமத்தம்பி கருணாநிதி
  • குணம்
  • குட்டி
  • லோரன்ஸ்
  • லோரன்ஸ் (கராஜ் )
  • லோரன்ஸ் திலகர்
  • மயில்வாகனம் சுபதீபன்
  • மஜீத் - நடேசு முரளிதரன்
  • மஜீத்தின் பிள்ளை - முரளிதரன்
  • மஜீத்தின் மகன் - முரளிதரன் சாருஜன்
  • மஜீத்தின் மனைவி - முரளிதரன் கிருஸ்ணகுமாரி
  • மலரவன் - (மோகனமூர்த்தி கேதீஸ்)
  • மலரவன் (ஐயாத்துரை ஜெயந்தா )
  • அருணாச்சலம் அகிலன்
  • மணிமாறன் கலைவாணி
  • மணியரசன்
  • மனோஜ்
  • மந்தாகினி (மலைமகள்)
  • மறவன் - (தங்கராசா சபீசன்)
  • மாரிமுத்து ரூபகரன்
  • மாதவன்
  • மது
  • மதுரன்
  • மயில்வாகனா . T
  • மிரேஸ் / நகுலன் - (மகேஸ்வரன் திவாகரன்)
  • மோகன் மாமா
  • மௌனகரன்
  • முகில்மாறன் கோகிலவதனி
  • முகுந்தன் - (கந்தையா குணரட்னம்)
  • முகிலன்
  • முகுந்தன்
  • முரளி
  • முரளி - பரராஜசிங்கம் கிரிதரன்
  • ​ முரசொலியன் - தேவராசா வாகீசன்
  • முருகதாஸ் மகேந்திரம்
  • நாவலன்
  • நடராசா சதீஸ்
  • நடராசா சிறீக்காந்
  • நடேசனின் மகள் - (பிரியதர்சினி மகேந்திரன்) 
  • நடேசனின் மகன்- (ஐனகன் மகேந்திரன்)
  • நாகேஷ்
  • நகுலேந்திரன் - (தர்மரட்ணம் மகேஸ்வரன்)
  • நளா
  • நளாயினி
  • நல்லநாதன் அகிலன்
  • நல்லதம்பி
  • நரேன்
  • நரேன் - தமிழர் புனர்வாழ்வுக் கழகம்
  • நீதன்
  • நெல்சன்
  • நியூட்டன்- (பூதத்தம்பி இரவீந்திரன்)
  • நேயன்
  • நிலான்
  • நிலவழகி
  • நிசாந்தன்
  • நிசாந்தன் மாஸ்ரர்
  • பாரி - ( செல்வரத்தினம்)
  • பத்மலோஜினி (வைத்தியர்)
  • பகீரதன் - நடேசமூர்த்தி விஸ்ணுகுமார்
  • பகீரதன் - சிவராசா பகீரதன்
  • பழனியாண்டி செல்வகுமார்
  • பஞ்சன் - மகாதேவன் ஞானகரன்
  • பாண்டியன்
  • பாப்பா / எழிலரசன் (கிருஸ்ணன் வேல்அழகன்)
  • பரா - இளையதம்பி பரராஜசிங்கம்
  • பிரபாசன் பாலச்சந்திரன்  
  • பரஞ்சோதி
  • பார்புகழன்
  • பார்த்தீபன் 
  • பத்மநாதன் சுதாகரன்
  • பத்மநாதன் பார்த்தீபன்
  • ​பிரபு - பொன்னம்பலம் சிறிபாஸ்கரன்
  • பிரணவா
  • ​பிரசாந் - கனகலிங்கம் சரத்சந்திரா
  • பிரதீப் 
  • பிரதீபன் தர்சிகா
  • பிரேமதாஸ் டென்சிலா
  • பிரியன் - சுவாமிநாதர் தயாசிறி 
  • பிரியனின் பிள்ளை - தயாசிறி கலைச்சுடர்
  • பிரியனின் மனைவி - தயாசிறி சந்தனா
  • பிரியவதனா
  • பூவண்ணன்
  • பிரபா
  • பிறேமதாஸ் சுந்தரம்
  • புகழ் மாஸ்ரர்
  • புலிமைந்தன்
  • ​புலியரசன்
  • புரட்சி மாஸ்ரர்
  • புதுவை ரத்தினதுரை
  • ரகு - மச்சக்காளை கண்ணன்
  • ராஜா - செம்பியன் -(தம்பைய்யா கணேசமூர்த்தி)
  • ராஜா முருகேசு
  • ராஜாவின் மகன் - கணேசமூர்த்தி சாருஜன்
  • ராஜாவின் பிள்ளை - கணேசமூர்த்தி ஆதிரையன்
  • ராஜாவின் பிள்ளை - கணேசமூர்த்தி நிகிலன்
  • இராஜரட்ணம் டிலக்சன்
  • இராஜேந்திரம் ஜெபநேசன்
  • ரஜிந்தன் 
  • ராகுலன் - தேவதாசன் ரூபன்
  • இராமசந்திரன் உதயச்சந்திரன்
  • ரமேஸ்- (வினாசித்தம்பி விக்கினேஸ்வரன்)
  • ரமேஷ் (இளங்கோ)
  • ரமேசன் பரமநாதன்
  • ராசன்
  • இராசையா இராதனன்
  • ரவி - திருமாறன் - (இராசு ரவீந்திரன்)
  • றேகா - மகேந்திரராஜா
  • ரூபன்
  • ரூபன் - (சின்னத்தம்பி சிறீலதன்)
  • ரூபன் - சுந்தரம் பிரேமதாஸ்
  • சைலேகா - மரியாம்பிள்ளை மேரி சைலேகா 
  • சங்கீதன் (வோல்ரர்)
  • சஞ்சை
  • சாந்தன் - செல்லைய்யா விஸ்வநாதன்
  • சாரதா
  • சத்துருக்கன்
  • சத்யா - கதிரவேலு சுதாகரன்
  • செல்வா சுகந்தி
  • செல்வகுமார் முருகேசு 
  • செல்வராசா வைரமுத்து
  • செல்வராசா செல்வகுமார்
  • செம்பியன்
  • செங்கதிர் 
  • செங்கையான்
  • சேந்தன் - (பாஸ்கரன் கரிகரன்)
  • செந்தில்முருகன் கார்த்திக்
  • சக்தி ( கதிர்காமசேகரம்பிள்ளை சத்தியமூர்த்தி)
  • சக்தியின் மகள் - (சத்தியமூர்த்தி இசைநிலா )
  • சக்தியின் மகன் -(சத்தியமூர்த்தி தமிழின்பன்)
  • சக்தியின் மகன் -(சத்தியமூர்த்தி தமிழ்முகிலன்)
  • சக்தியின் மனைவி - ஜக்குலின் - ( (சத்தியமூர்த்தி கவிதா)
  • சங்கர் 
  • சிலம்பரசன் 
  • சின்னண்ணை
  • சின்னத்தம்பி
  • சின்னவன் - (ஜெகதேவன் வாகீசன்)
  • சித்திவினாயகம் ரமணி - (ரேணாவினுடைய சகோதரி)
  • சிவம்
  • சிவனேசராசா லக்சியா
  • சிவராசசிங்கம் வள்ளி
  • எஸ்.எம் அண்ணா - (குகநேசன் குகராஜா)
  • சொலமன் - (துரைரட்ணம் ஜெயக்குமார்)
  • சோபிகா கணேசபிள்ளை
  • சுப்பிரமணியம் பிரதீபா
  • சுப்பிரமணியம் சிவமோகன்
  • சுடரின் மகள் - 1
  • சுடரின் மகள் - 2
  • சுடரின் மனைவி
  • சுடரவன் 
  • சுடரவன் லெப் .கேணல்
  • சுகி
  • சுகிர்தன் - ராமச்சந்திரன் ஜனார்த்தனன்
  • சுலக்சன் மாஸ்ரர்
  • சுமன் - (செல்வகுமார்)
  • சுமனுடைய மகள்- (செல்வகுமார் தணிகைச்செல்வி)
  • சுமனின் மனைவி கலைமகள் - (செல்வகுமார் சுதர்சினி)
  • சுந்தர்
  • சுதர்சன் சிவசுப்ரமணியம்
  • தமிழினியன் 
  • தமிழழகன் - (சிவசம்பு ஜெகராஜா) 
  • தமிழரசன்
  • தமிழ்நதி - (சுப்பிரமணியம் சுகந்தினி)
  • தமிழ்ஒளி (மாயா செல்வநாதன்)
  • தனபாலசிங்கம் விஐயராசா
  • தங்கைய்யா
  • தங்கராசா கலைச்செல்வன்
  • தணிகையரசு லெப் .கேணல்
  • தங்கன் - சோமசுந்தரம் சுதாகரன் (சுதா)
  • தங்கனின் மகள் - சுதாகரன் துவாரகா 
  • தங்கனின் மகள் - சுதாகரன் துர்க்கா
  • தங்கனின் மகன் - சுதாகரன் துவாரகன்
  • தங்கனின் மனைவி - சுகந்தி
  • தரன்
  • தர்சா
  • தர்சினி
  • தவபாலன் - (இறைவன்)
  • தேவராசா
  • தயா
  • தேன்மதி - (சின்னத்துரை சந்திரமதி)
  • தேசிகன் - (பொன்னையா திருனேசன்)
  • திலகன்
  • திலீபன்
  • திருமால் - (கந்தையா அகிலேஸ்வரன்)
  • திருமாறன் (கொலம்பஸ்) 
  • திவிச்சந்திரன்
  • துவாரகன் வைரவமூர்த்தி
  • உதயன் - கிருஸ்ணகுட்டி சுகுமாறன்
  • நளினி - உதயனின் மனைவி - சுகுமாறன் கருணாவதி
  • வடிவேல் குமரேஸ்வரன்
  • வாகீசன் - (ராமநாதன் நிமலநாதன்)
  • வாகீசனுடைய மகன் - நிமலநாதன் கலையரசன்
  • வாகககீசனின் மனைவி - நிமலநாதன் சுமதி
  • வாகீசன் பிள்ளை - நிமலநாதன் சின்பரசி
  • வாகீசன் பிள்ளை - நிமலநாதன் கோகலை
  • வைத்தி . லெப் கேணல்
  • (வாகைசூடி) - சொக்கலிங்கம் சுரேந்திரன்
  • வழுதி மாஸ்ரர். லெப் கேணல்
  • வரதன் லிஜென்டா
  • வசந்தி - (வீரன் மோகனதேவி)
  • வீமன் - ஏகாம்பரநாதன் பாலச்சந்திரகுமார்.
  • வீரப்பன் மாஸ்ரர்
  • வீரத்தேவன் - மகாலிங்கம் ஜெயகாந்தன்
  • வேலரசன் - வாலி சிவராசசிங்கம்
  • வேலவன் 
  • வெள்ளை
  • வேல்மாறன்
  • வேல்ராஜ்
  • வேலுப்பிள்ளை ஜெயரட்ணம்
  • வேங்கைமணியன்
  • வேந்தன் (துரைராஜசிங்கம் பரணீதரன்)
  • வித்தியா கரன்
  • வித்தியாவினுடைய கணவர் கரன்
  • விஜியபாஸ்கர் 
  • விஜிதரன்  
  • விஜிதரன் வில்வராசா
  • விக்னேஸ்வரி
  • வில்லவன்
  • வில்லவன் - (கருப்பையா திலீபன்)
  • வின்சன்
  • வில்சன் விமல்ராஜ்
  • யாழினியன் - ஆனந்தராசா மனோவசீகரன்
  • யோகன் / செம்மணண் 
  • யோகி - (யோகரட்ணம் யோகி)
  • யுகனதேவி
  • வையாபுரி 
Comment (0) Hits: 227

சவேந்திர சில்வாவிடம் ஒப்படைக்கப்பட்டவர்களின் பெயர் பட்டியலை கோரும் வெளிவிவகார அமைச்சு !

9 ஆண்டுகளுக்கு முன்பு இடம்பெற்ற யுத்தத்தின் போது தமிழீழ விடுதலைப் புலிகளிடமிருந்து சவேந்திர சில்வாவிடம் ஒப்படைக்கப்பட்டு காணாமல் ஆக்கப்பட்டவர்களின் பெயர் பட்டியலை வெளியிடுமாறு வெளிவிவகார அமைச்சு தெரிவித்துள்ளது.

 

சர்வதேச உண்மை மற்றும் நீதிக்கான திட்டம் என்ற அமைப்பு தனது இணையத்தளத்தில் வெளியிட்டுள்ள காணாமல் ஆக்கப்பட்டவர்களின் பெயர் பட்டியல் குறித்து எங்களின் கவனத்திற்கு கொண்டுவரப்பட்டுள்ளது.



2009 ம் ஆண்டு மே மாதம் இலங்கை இராணுவத்தினரால் தடுத்து வைக்கப்பட்டிருந்தவேளை காணாமல்போன 351 பேரின் விபரங்கள் இந்த பட்டியலில் உள்ளதாக குறிப்பிட்ட அமைப்பு தெரிவித்துள்ளது.

 

குறித்த பட்டியலில் இலங்கை இராணுவத்தினருக்கு சரணடைந்த குழந்தைகளில் 29 பிள்ளைகள் இருப்பதாகவும்இ இவர்களில் பலர் ஐந்து வயதுக்குட்பட்ட குழந்தைகள் என்றும் தெரிவிக்கட்டிருந்தது.



இலங்கையிலோ அல்லது வெளிநாட்டிலோ உள்ளவர்களிடம் காணாமல்போனவர்கள் குறித்த விபரங்கள் இருந்தால் அதனை காணாமல்போனவர்கள் குறித்த அலுவலகத்துடன் பகிர்ந்துகொள்ளுமாறு வெளிவிவகார அமைச்சு கேட்டுக்கொள்கின்றது.


சர்வதேச உண்மை மற்றும் நீதிக்கான திட்டம் வெளியிட்டுள்ள பட்டியலில் உள்ளவர்கள் தொடர்பான மேலதிக- வேறு அல்லது விபரமான தகவல்களையும்இ பட்டியலில் உள்ளவர்கள் எவ்வாறான சூழ்நிலையின் கீழ் காணாமல்போனார்கள் என்பது குறித்த தகவல்களையும் காணாமல்போனோர் அலுவலகத்துடன் பகிர்ந்துகொள்ளலாம் என இலங்கை வெளிவிவகார அமைச்சு தெரிவித்துள்ளது.

 

Comment (0) Hits: 233

மத குருமார்களை விசாரிக்க விசேட நீதிமன்றம் அமைக்க முடியாது !

மத குருமார்களை விசாரிக்க விசேட நீதிமன்றம் அமைக்க முடியாது என முன்னாள் பிரதம நீதியரசர் சரத் நந்த சில்வா தெரவித்துள்ளார்.

 

பொதுபலசேனா அமைப்பின் பொது செயலாளர் ஞானசார தேரரின் கைது விவகாரத்திற்கு பின்னர் பௌத்த மத குருமார்களுக்கு பிரத்தியேக நீதிமன்றம் உருவாக்கப்பட வேண்டும் என குறிப்பிட்டு வருகின்றனர். 

 

 

தனிப்பட்ட குற்றங்களை புரியும் மத குருமார்களை விசாரிக்க விசேட நீதிமன்றம் அமைக்க முடியாது. ஏனெனில் சட்டம் அனைவருக்கும் எவ்வித தனிப்பட்ட  அந்தஸ்த்தும் வழங்காது.

 

எனவே பாரிய பரப்பினை கொண்டதாக காணப்படும் பெளத்த மதத்தை பாதுகாக்க வேறுபல ஏற்பாடுகள் செய்யப்பட்டுள்ளது என முன்னாள் பிரதம நீதியரசர் சரத் நந்த சில்வா தெரவித்துள்ளார்.

Comment (0) Hits: 149

Page 73 of 103