V2025

ஜி.வியுடன் ஜோடி சேரும் அபர்ணதி ..!

தனியார் தொலைக்காட்சியில் ஒளிபரப்பப்பட்ட ‘எங்க வீட்டு மாப்பிள்ளை’ நிகழ்ச்சி மூலம் புகழ் பெற்ற அபர்ணதி,  ஜி.வி.பிரகாஷ் நடிக்க இருக்கும் புதிய படத்தில் அவருக்கு ஜோடியாக நடிக்க ஒப்பந்தமாகியுள்ளார்.

இதன் படப்பிடிப்பு  இன்று ஆரம்பமாகியுள்ளது.

எங்க வீட்டு மாப்பிள்ளை பிரபல தமிழ் தொலைக்காட்சி ஒன்றில்   ஒளிபரப்பாகிய ஒரு உண்மைநிலை நிகழ்ச்சி ஆகும்.

தமிழ் திரைப்பட நடிகர் ஆர்யா இந்நிகழ்ச்சியில் பங்கேற்கும் 16 பெண்களில் தனக்கு ஏற்ற வாழ்க்கைத் துணையைத் தேர்ந்தெடுத்துத் திருமணம் செய்து கொள்வதாக அறிவித்தார்.

எனினும் இறுதிக் கட்டத்தில் நடிகர் ஆர்யா தனக்கேற்ற துணையைத் தெரிவு செய்யவில்லை.

இந்நிகழ்ச்சியின் மூலம் அறிமுகமான கோயம்புத்தூரைச் சேர்ந்த அபர்ணதி, மக்களின் மத்தியில் தனக்கான ஒரு தனி இடத்தைப் பெற்றுக்கொண்டார்.

இவர் தற்போது நடிகையாக அவதாரம் எடுக்க இருக்கிறார்  ஜி.வி.பிரகாஷ் நடிக்க இருக்கும் புதிய படத்தில் அவருக்கு ஜோடியாக நடிக்க ஒப்பந்தமாகி இருக்கிறார்.

கைவசம் பல படங்களை வைத்திருக்கும் ஜி.வி.பிரகாஷ் அடுத்ததாக வசந்தபாலன் இயக்க இருக்கும் புதிய படத்தில் நடிக்க இருக்கிறார்.

இன்னும் பெயரிடப்படாத இப்படத்தில் ஜி.வி.பிரகாஷுடன் ‘பள்ளிப்பருவத்திலே’ நாயகன் நந்தன் ராம், ‘பசங்க’ பாண்டி ஆகியோர் நடிக்கின்றனர்.

மேலும் முக்கியக் கதாபாத்திரத்தில் ராதிகா நடிக்கிறார். ஜி.வி.பிரகாஷே இசையமைக்கும் இப்படத்துக்கு கணேஷ் சந்திரா ஒளிப்பதிவு செய்கிறார். இதன் படப்பிடிப்பு  இன்று ஆரம்பமாகியுள்ளது.

Leave your comments

Post comment as a guest

0
Your comments are subjected to administrator's moderation.
terms and condition.
  • No comments found