V2025

ஆரவ்வுடன் இணைந்தாரா ஓவியா?

ஆரவ்வுடன் நெருக்கமாக இருக்கும் படமொன்றை ஓவியா அவரது டுவிட்டர் பக்கத்தில் தற்போது வெளியிட்டுள்ளார்.இது ரசிகர்கள் மத்தியில் மீண்டும் பரபரப்பை ஏற்படுத்தி உள்ளது. 

 

விஜய் தொலைக்காட்சி தொடங்கிய “பிக் பாஸ்” சீசன் - 1  நிகழ்ச்சியில்  15 போட்டியாளர்களில் ஒருவராக களமிறங்கினார் ஓவியா.

 

ஆரம்பத்தில் 15 பேரில் ஒருவராக இருந்தவர், தன் வெளிப்படைத் தன்மையால் ரசிகர்களைக் கவர்ந்தார்.

 

அவரது  புறம் பேசாமை, வெகுளித்தனம் ஆகிய குணங்களாலும் நடனத்திறனாலும் கவரப்பெற்ற ரசிகர்கள், ஒவ்வொரு வாரம் உடன் இருப்பவர்களால் நாமினேட் செய்யப்பட்டபோதும், ஓட்டு போட்டு அவரை பிக் பாஸ் வீட்டிலேயே இருக்க வைத்தனர்.

 

ஓவியா ஆர்மி, ஓவியாஇஸம் என்றெல்லாம் நெட்டிசன்கள் தங்கள் ஆதரவைத் தெரிவித்து வந்தனர்.  

 

ஓ காதல் கண்மணி, சைத்தான் ஆகிய படங்களில் நடித்துள்ள ஆரவ்வை, ஓவியா பிக்பாஸ் நிகழ்ச்சியில் பங்கேற்றபோது ஒரு தலையாக காதலித்தார்.

 

அவரது காதலை ஆரவ் ஏற்க மறுத்ததால் மனநலம் பாதித்தவர்போல் நடந்து கொண்டார். நீச்சல் குளத்தில் குதித்து தற்கொலைக்கு முயன்றதாகவும் பரபரப்பாக பேசினர். போலீசார் நேரில் சென்று விசாரணை நடத்தவும் செய்தார்கள்.

 
அதன்பிறகு புதிய படங்களில் நடிக்க ஆரம்பித்தார். 4 படங்களில் அவர் நடித்துக்கொண்டு இருக்கிறார். ஆரவ்வும் புதிய படமொன்றில் ஒப்பந்தமாகி நடித்து வந்தார். அவரை ஓவியா மறந்துவிட்டதாக பேசப்பட்டது. இருவரும் சந்தித்துக்கொள்ளாமலும் இருந்தனர்.
 
இந்த நிலையில் ஆரவ்வை கட்டிப்பிடித்து நெருக்கமாக இருக்கும் படமொன்றை ஓவியா அவரது டுவிட்டர் பக்கத்தில் தற்போது வெளியிட்டுள்ளார்.
 
இந்த படம் சமூக வலைத்தளங்களில் வைரலாக பரவி வருகிறது. இது ரசிகர்கள் மத்தியில் மீண்டும் பரபரப்பை ஏற்படுத்தி உள்ளது. இருவரும் காதலிப்பதாகவும் அடிக்கடி ரகசியமாக சந்தித்து வருவதாகவும் பேச்சு கிளம்பி உள்ளது.

Leave your comments

Post comment as a guest

0
Your comments are subjected to administrator's moderation.
terms and condition.
  • No comments found